Ginpahayag sang BTAO Building Administrator nga si Abner Salvallon nga magpasaka siya sang kaso batuk kay Bacolod City Al Espino subong nga aga sang Lunes, Oktubre 23, 2023.
Suno kay Abner Salvallon nga mangin witness niya sa korte amo sanday Psyche Rasco, Mary Ann Dela Torre kag si Police Major “Junjie” Liba, ang tigpamuno sang Bacolod Traffic Authority Office (BTAO).
Dugang pa ni Salvallon nga subong nga adlaw iya iga-file ang kaso nga kriminal batuk kay Espino sa piskalya sa siudad sang Bacolod.
Samtang, ginapreparar pa nila karon ang kaso nga administratibo batuk kay Espino.
Base sa alegasyon ni Salvallon nga namuyayaw kag naghana nga kuhaon ni Espino ang iya gina-alegar dala nga pusil sang nagsugod ini sa BTAO sang Miyerkules, Oktubre 18.
“May pusil gid ya. itom ang color. Tapos gin-ambalan yako nga indi mo ko pag-uyatan liwat kay tiruhon taka. Ulihi ko nadiparahan nga siya gali si Councilor kag una-una pinsar ko ang claimer sang motor nga na-impound kay wala ko siya nakilala mo” pahayag ni Salvallon.*
