Gintawag ni Bacolod City Al Espino nga butigon ang BTAO Building Administrator nga si Abner Salvallon bangud wala sang kamatuoran ang mga alegasyon sini batuk sa iya.
Ini ang nangin pahayag ni Espino sa iya ginpatigayon nga press conference subong nga aga sang Lunes, Oktubre 23.
Suno kay Espino nga nag-ugat ang alegasyon batuk sa iya sang nagpadulong siya sa BTAO sang Miyerkules, Oktubre 18 agud gintawgan siya sang iya migo nga ang hinablos sang asawa sini ang nadakpan sang BTAO personnel.
Apang, ginklaro ni Espino nga ang hinablos sang asawa sang iya migo ang wala sang helmet apang kumpleto ini sa papeles kaangay sang driver’s license nga electronic kag may rehistro.
Dugang pa ni Espino nga ang bata nagkadto sang udto sa BTAO kag may nag offer sa iya nga naka-uniform sang BTAO sang P1,500 para mapaguwa sang natungdan ang motor.
Ginpaathag naman ni Espino nga itom nga flashlight ang nakasukbit sa iya hawak kag indi armas-luthang sang nagsulong ini sa BTAO nga liw-as sa ginahaboy nga alegasyon ni Salvallon batuk sa iya.
Pahayag pa ni Espino nga namuyayaw siya bangud ikatatlo na nga beses siya ginkapyutan ni Salvallon kag daw nakabatyag ini sang pwersa.
Dugang pa sini nga maga-file siya sang ‘libel charges’ batuk kay Police Major Junji Liba, sa gwardya, sa nag testimoniya kag sang nag-witness nga gina-alegar may dala ini nga pusil sang nagkadto sa BTAO.
Gina-examine na sang iya legal team ang mga ginpanghambal sang gwardya batok sa iya kag wala sang may napakita nga ebidensya.*
