Lalaki arestado sang 2-counts of sexual abuse sa Sagay

SAGAY, NEGROS OCCIDENTAL– Pinaagi sa warrant of arrest, na-resto sang mga katapo sang Sagay City Police Station ang isa ka lalaki sa kaso nga 2-counts of sexual abuse sa siudad sang Sagay, Negros Occidental, Lunes sang aga, Oktubre 23, 2023.

Naga-edad naman sang 39-anyos ang lalaki nga ginkilala kay alyas “Nonoy,” residente sang nasambit nga siudad.

Gin-isyu naman ni Judge Reginald Mercurio Fuentebella sang Sagay City Regional Trial Court Branch 73 ang warrant of arrest ni Nonoy sadtong Hunyo 7 kag 21, 2022.

Nagrekomendar naman ang korte sang P180,000 nga piyansa para sa temporaryo nga kahilwayan sang akusado.

Sa karon, nakahunong si Nonoy sa nasambit nga police station.*