Nagahingyo ang pamilya Alacre sang pribado nga tion para sa ila pagpangasubo samtang ginahaya ang bangkay ni Loreta Alacre sa ila mismo nga balay sa Barangay Camay-an, Barangay Cadiz Viejo, siudad sang Cadiz, Negros Occidental.
Takna las 4 sang hapon sang Lunes, Oktubre 23, gikan sa punerarya, gindul-ong ang ila puluy-an ang bangkay ni Loreta, isa sa apat ka mga kumpirmado nga OFW nga napatay sa kinagamo sang Israel kag Hamas.
Pag-abot sang bangkay ni Loreta sa iya puluy-an, naghilibi-on ang pamilya Alacre sang makita na nila nga ginatuwangan pasulod sa balay ang lungon sang ila nga
Suno sa OWWA administrator nga si Arnel Ignacio, pagabayran sang ila departamento ang balayran sa punerarya, paghaya kag paglubong sa bangkay ni Loreta.
Nahibaluan man nga nalakip diri ang pagpatapos sa nabilin nga ulubrahon sa balay ni Loreta kag pagpa-eskwela sa iya mga hinablos.
Dugang pa ni Ignacio nga ginarespeto man nila ang hangyo sang pamilya Alacre nga ihatag sa ila ang nabilin nga mga inadlaw nga mangin pribado ang ila pagpangasubo kaupod ang bangkay ni Loreta.*