Buhis sang mga Bilyonaryo sa Pilipinas, Dugangan!

MANILA, PHILIPPINES – Luyag ni Senator Win Gatchalian nga dugangan ang mga buhis sang pila ka mga bilyonaryo sa Pilipinas agud madugangan ang pondo sang Gobyerno.

Kaangot ini sang nahibaluan ni Gatchalian nga indi kalakip ang mga bilyonaryo sa mga top taxpayer.

Ginsiling pa niya nga mas dako pa ang ginabayad nga buhis sang mga sikat nga personalidad sa telebisyon kag pelikula bangud sila ang namonitor sang Bureau of Internal Revenue (BIR).

Bangud diri, plano niya nga magsumiter sang hagna nga dugangan sang buhis ang mga bilyonaryo kag nagalaum ini nga pagasuportahan siya sang iban pa nga mga Senador sa senado.

Ginpaathag pa sang Senador nga ang progressivity amo ang sistema nga mas mataas ang buhis sang mga manggaranon kumparar sa mga pigado.