Nabawian sang kabuhi ang 20 tanan ka mga persona kag nasamaran ang 29 pa ka iban matapos nga nakabunggo ang bus nga ila ginasakyan sa konkreto nga barrier sa taytay sa Saudi Arabia.
Kalakip sa mga nahalitan sa insidente amo ang mga tumuluo sang Islam nga nagikan pa nga nagkalain lain nga bahin sang kalibutan.
Nagluntad ang insidente, antis ang ginalauman nga pagdagsa sang mga Muslims sa Mecca kag Medina, nga ginakabig pinaka balaan nga lugar para sa mga tumuluo.
Wala pa matumod kon anu ang gintunaan sang aksidente, apang ginpalayag sa pila ka mga reports, nga nakaangkon sang problema sa “brake” ang salakyan.
Matapos nga nakabunggo sa konkreto nga barrier, nagbaliskad pa ang bus antis nagkalayo.
Lunes, Marso 27 nga adlaw nagluntad ang makasilidni nga insidente sa southern province sang Asir sa Kingdom of Saudi Arabia. Ini ang una nga semana sang Ramadan.*
