DA 6 wala pa sang update kun may igahatag nga financial assistance sa mga rice farmers nga apektado sang rice price cap

Wala sa gihapon nga may ginhatag nga mando sa Department of Agriculture (DA-6) kun pagahatagan nila sang bulig pinansyal ang mga rice famers sa rehiyon nga apektado sang ginapatuman nga rice price cap.

Ini ang pahayag ni Maria Theresa Solis, Chief sang Agribusiness Marketing and Assistance Division (AMAD) sang Department of Agriculture Western Visayas.

Dugang pa ni Solis, nga antes pa man ang price cap may ginhatag na sila nga bulig sa mga grupo sang mangunguma kaangay na lamang sang mga equipment, abono, kag inbred seeds.

Aminado naman si Solois nga may kapierdehan ang mga mangunguma bangud sang rice price cap kag sa karon, nagahulat na lamang sila sang direktiba gikan sa ila Central Office angut sa nasambit nga bulig pinansyal.*