Lalaki sa Iloilo, ginluthang-patay ang kaugalingon samtang naga-live streaming sa social media

Patay na sang makita ang 36-anyos nga lalaki nga may igo sang bala sa iya dughan sa Barangay Poblacion, San Rafael, Iloilo, takna las 9:35 sang aga, Miyerkules, Setyembre 20, 2023.

Ginkilala ang biktima kay Gonzales Lozada, 36-anyos, residente sang Barangay banwa sang Jayubo, Lambunao, Iloilo.

Suno kay PCPL. Roel Alarcos sang San Rafael Municipal Police Station, ginpahayag nga naga-live streaming sa social media si Lozada sang ginluthang niya ang iya kaugalingon nga nakita mismo sa nasambit nga livestream.

Dugang pa sini, narekober sa lugar ang homemade single shot 12-gauge handgun. Sa karon, padayon pa ang imbestigasyon sang san Rafael MPS agud mahibaluan motibo sa insidente.*