Patay ang 15 anyos nga dalagita kag may deperensya sa paminsaron, matapos nga ginpulihan buno sang iya kaugalingon nga amay kag utod nga lalaki sa probinsya sang Masbate.
Nagluntad ang brutal nga kremin sang tinalikdan nga biyernes sang kaagahon sa sulod mismo sang puluy-an sang pamilya.
Base sa imbestigasyon , nakit-an na lamang sang mga nag responde nga mga opisyal sang barangay nga nagapaligo sa iya kaugalingon nga dugo ang biktima.
Yara na sa kustodiya sang kapulisan sa siudad sang Masbate ang mga suspetsado nga sanday Marcelo Medina Sr. , 48 anyos kag anak sini nga si Marcelo, 25 anyos.
Suno sa mga katupad balay sang biktima, nabatian na lamang ang pag ginamo sang mag pamilya sa sulod sang ila puluy-an kag sa wala mahibaluan nga rason, ginbuno sang mag amay nga suspek ang dalagita nga ginkilala sa kay Grace Cortes Medina.
Suno sa kapulisan, duha ka semana antis natabu ang insidente, nakaangkon sang deperensya sa paminsaron ang biktima.
