DBM: BAYANIHAN 2 MAY P10.05 BILLION PA NGA BALANSE

May balanse pa nga P10.05 billion sa idalom sang Bayanihan to Recover as One Act ukon Bayanihan 2 nga kinahanglan pa gastohon sang katapusan nga bulan sang Setyembre, suno sa Department of Budget and Management (DBM).

Sa data nga ginrelease sang DBM, nagapakita nga kapin P204.07 billion sa P214.12 billion allotment lamang ang nagamit sang mga ahensya.

Sa P10.05 billion, mahimo pa magamit sang mga implementing agencies ang P4.56 billion tubtob Disyembre 31.

“The rest was reverted to the General Fund, following the expiration of the Special Appropriations and FY 2019 Continuing Appropriations last June 30, 2021,” suno sa DBM.

Nauna na nga nag-lapse ang Bayanihan 2 sadtong Disyembre 19, 2020 apang naextend ini tubtob Hunyo 30, 2021.