Ginabalhas kag ginahapo ang isa ka food delivery rider nga naglakat lamang para idul-ong ang pagkaon nga gin-order sang iya kliyente matapos ginkawat ang bike nga iya ginagamit sa trabaho.
Suno sa Facebook user nga si Danica, gin-text niya ang delivery rider nga si Paulo agud ipamangkot kun ngaa nadugayan ini sa pagdul-ong sang iya order nga pagkaon.
Didto niya natukiban nga ginakawat ang bike sang delivery rider nga ginagamit sini sa pagdeliver.
Gindugang pa ni Danica, nagdeliver sa gihapon ang delivery rider apisar nga nagalakat lamang ini bangud kanugon sang nagasulod nga mga orders.
“Kaya pala ang tagal nya kasi nanakaw pala ang bike niya. Nakakaawa si kuya nilakad nya na lang papunta sa kanto namin. Nagdedeliver pa din si kuya kahit naglalakad,” sandig kay Danica.
