Nagpatigayon sang surprise inspection sa Roxas City Airport si Department of Transportation (DOTr) Secretary Arthur Tugade.
Mahibaluan nga magapadulong kuntani sa Kalibo, Aklan ang nasambit nga opisyal apang nagdesisyon ini nga maghapit sa siyudad agud tsekyaron ang nasambit nga pahugpaan.
Gin abi-abi ang nasambit nga opisyal ni City Mayor Ronnie Dadivas, Pueblo De Panay Inc. CEO Jose Neri Ong, kag Roxas Airport Manager II Cynthia Aspera.Sa iya nga side trip, si Secretary Tugade kaupod si Civil Aviation Authority of the Philippine (CAAP) Director General Jim Sydiongco kaupod ang iban nga DOTr officials ang naglibot sa mga pasilidad sa amo nga pahugpaan.
Gin-tsekyar man ang proposed site acquisition para sa expansion sang nasambit nga pahugpaan. Gin-inspeksiyon man ang pag-aspalto sang runway shoulders kag strip grade correction.
Mahibaluan nga ang initial phase sang Roxas Airport Development project ang natapos sang tuig 2019. Kaupod man sang taglikom sanday DOTr Usec. for Finance Garry De Guzman, Office for Transportation Security (OTS) Administrator Usec. Raul Del Rosario, DOTr Chief of Staff and Asec. for Procurement and Project Implementation Giovanni Lopez, DOTr Asec for Aviation and Airport Jim Melo, kag Philippine Ports Authority (PPA) General Manager Jay Santiago.
November 29, 2020 |News by Joshua Kenneth Ana
