E-bike driver nakuhaan P40K nga balor sang ‘shabu’ sa Silay

SILAY CITY – Gindakop ang isa ka e-bike driver matapos makuhaan sang ginasupetsuhan shabu sa ginpatigayon nga buy-bust operation sa Pueblo de Roberto Subdivision, Brgy. Guinhalaran, siudad sang Silay takna las-4:55 sang hapon sang Lunes, Marso 27.

Ginkilala ang suspetsado nga si Anthony Plantillo, alyas Ma-oy, 31-anyos nga e-bike driver, residente sang Sitio Maninihon sa nasambit nga barangay, kag ginakabig nga street-level individual (SLI) sang kapulisan.

Base sa report sang Silay City Police Station, nakumpiskar sa suspek ang anum ka sachets sang ginasuspetsuhan shabu nga ginabulubanta nagabalor sang P40,800.

Gindala ang suspek sa kustodiya sang kapulisan para sa nagakaigo nga disposisyon.