Ang game 1 sang NBA Western Conference finals ang ginhiwat sa home court sang Golden State Warriors nga nahamtang sa Chase Center, San Francisco, California. Kun sa diin gin lutos sang Warriors ang Mavericks sa iskor nga 112 to 87.
Halin sa 1st quarter asta na nga nakalab-ot 4th quarter, wala gid makalagas para maka abanse ang Dallas Mavericks sa Golden State Warriors.
36% lamang ang na record nga field goal percentage sang Dallas samtang ang Golden State Warrios naman ang may 56.1%.
Si Luca Doncic ang nakakuha sang 20 points pero kulang ini para mapiyerde ang ila nga kontra kag makuha ang game 1. Indi nangin manami ang Team Captain sang Dalls bangud 33.3% lamang ang iya field goal percentage kag 30% naman sa iya 3point percentage.
Sa parte naman sang Golden State Warriors, pito ka mga players ang nag double digit sa puntos, ini sanday Stephen Curry nga nakakuha sang 21 points, Andrew Wiggins 19 points, Jordan Poole 19 points, Klay Thompson 15 points, Dreymond Green 10 points, Kevon Looney 10 points kag Otto Porter, Jr. 10 points.
Ang Game 2 sang NBA Western Conference finals ang paga hiwaton gihapon sa home court sang Golden state warriors sa May 21 (adlaw sa Pilipinas) las 9 sang aga.*
by: Red Salgado
