Ginpatindugan sang disente nga balay sang kapulisan ang isa ka 73-anyos nga lola sa kabukiran sang Barangay San Fernando, syudad sang Talisay, Negros Occidental.
Nag-obra bilang timbang si lola Encarnacion Solis sa Maynila kung sa diin nagbun-ag man ini sang iya nga lapsag apang tungod sang tuman ka kapigaduhon, ginpa-ampon niya ini. Humalin sadto, wala niya na makita ang iya bata kag wala naman siya nakabalita parte sa iya.
Pila na ka dekada nga naga-istar si lola Encarnacion sa lugar apang naguba ang iya balay sang naglaslas si Bagyong Odette tinalikdan nga tuig. Kaupod niya anay sa ila balay ang iya utod apang nagtaliwan naman ini.
Kabuli gang pila ka mga stakeholders, kapulisan sa probinsiya, rescue groups kag iban pa nga volunteers, nahatagan sang disente nga balay si lola Encarnacion.*
