Nasapwan-patay ang isa ka Grade-10 student matapos gin-alegar nagbitay sa puno sang isa ka buluthuan sini nga adlaw, Miyerkules, Mayo 10.
Samtang nagapadayon sa klase ang mga manunudlo kag mga estudyante, wala sila nagalaum nga ini ang madangtan sang isa ka estudyante.
Isa ka Grade-12 student ang nakakita sa 16-anyos nga biktima nga wala na sang kabuhi kag may higot ang liog samtang nagabitay sa puno.
Gilayon nagpangayo sang bulig ang Grade-12 student sa sekyu sang buluthuan kag gintinguha-an pa nila salbaron ang biktima apang gindeklarar ini nga dead-on-arrival.
Sa imbestigasyon sang Radyo Bandera Northern Negros, nahibalu-an nga madugay na nga nagasupreher sang psychological disorder ang Grade-10 student.
Wala naman sang problema ang biktima sa iya grado bangud isa siya ka maalam kag matag-as ang grado nga iya nakuha.
Gin-rekomendar naman sang mga manunudlo nga mag-module learning na lamang ang biktima sa ila balay apang nagapamilit gid ang bata nga magkadto sa buluthuan.
Dugang pa, may paandam naman ang bata nga magahimo siya sang nasambit nga insidente.*
