Halos 9,000 nga kaso sang child abuse ang narekord sa Pilipinas sadtong 2022, suno sa Council for the Welfare of Children (CWC).
Sa isa ka televised public briefing, ginpahayag ni executive director Undersecretary Angelo ang nasambit nga numero ang naghalin sa kabilugan nga report sa mga child protection units sa mga ospital kag sa helpline sang CWC.
Gindugang man ni Tapales nga sa Makabata Helpline ang may narekord nga 43 ka kaso sang pagpang-abuso sa mga naga-edad nga 15-anyos tubtob 17-anyos.
Suno pa kay Tapales, ang mga insidente sang pagpang-abuso sa mga kabataan ang natabo sa nagkalain-lain nga lugar kaangay sang balay, buluthuan kag komunidad.
Kalakip sa mga nabaton nga tawag sa helpline sang CWC ang may kaangtangan sa sexual abuse, pagpamahog kag mental health.
Naghatag naman ang ahensya sang referral para sa mga biktima nga nagakinahanglan sang mga partikular nga serbisyo.
Ang Makabata Helpline ang sarang matawgan sa telephone number nga 1383, mobile numbers nga 09158022375 (Globe) kag 09603779863 (Smart), email nga [email protected] kag Facebook page nga Makabata Helpline.*
