- Advertisement -
Isa ka bagani ang ginhimo sang isa ka Philippine Coast Guard medical personnel matapos nagbulig ini pabata sa iloy sa atubang sang Coast Guard District Southeastern Mindanao Headquarters sadtong Huwebes Santo, Abril 6, 2023.
Suno sa report sang GMA News Online, magapabulig kuntani ang iloy kag ang iya bana nga pangita-an sang salakyan pakadto ospital agud magbata apang sa wala ginalauman, nagpasakit na ang iloy sa atubang headquarters kag didto na nagbata.
Sang makita sang PCG personnel, gilayon ini niya ginbuligan ang iloy kag ginbun-ag ang isa ka lapsag nga lalaki.
- Advertisement -
Gilayon gindala ang mag-iloy sa Southern Philippines Medical Center sakay sa Coast Guard ambulance.
Nahibalu-an nga residente sang Barangay Sasa sa Davao City ang mag-asawa.*
- Advertisement -
