Iloy sang ginpatay nga Commercial Sex Worker nakabaton sang impormasyon nga ang bugaw nga ginpugutan sang ulo amo ang nagpatay sa iya bata

BACOLOD CITY – Ginpahayag ni Goldy Alcantara, iloy ni Rovily Alcantara Mahinay, commercial sex worker nga ginpatay kag ginbilin sa Brgy. Alijis nga nakabaton ini sang impormasyon gikan sa babayi nga kaupod sa trabaho ni Rovily, nga si Mario Demetrio, bugaw nga ginpugutan sang ulo kag ginhal-id sa siudad sang Talisay ang nagpatay sa iya anak.

Suno kay Alcantara, base sa ginpalambot nga impormasyon, may kaupod nga duha pa ka mga lalaki si Demetrio sakay sa awto nga puti.

Ginlaragway naman sini ang duha ka mga lalaki nga gamayon ang panglawason kag kalbo.

Wala naman nakahibalo ang iloy kun ano ang madalom nga motibo sa pagpatay sa iya anak.*