Ginpahayag sang Israeli Air Force (IAF) nga nagdangat na sa 6,000 ang mga bomba nga ginpanghulog nila sa Gaza humalin sang nagsugod ang pagpang-atake sang Sabado, Oktubre 7 – halos katumbas sini ang isa ka tuig nga pagpamomba sang United States sa Afghanistan.
Suno kay Marc Garlasco, anay war crimes investigator sa Libya, sa records sang US Air Force Central Command, masobra 7,423 ang pinakamadamo nila nga bomb droppings sa giyera sa Afghanistan.
Nagdangat na sa 1,537 ang nagkalamatay nga Palestinians sa pagpang-atake sang Israel sa Gaza Strip nga nalakipan sang 500 ka kabataan, 276 ka mga babayi, kag may 6,612 pa nga mga pilason, base sa report sang Health Ministry sa Gaza.
“Dropping in less than a week what the US was dropping in Afghanistan in a year, in a much smaller, much more densely populated area, where mistakes are going to be magnified,” kabahin sang report ni Garlasco.