Bilang preparasyon sa opisyal nga paglunsyar sang KFive Hiligaynon Drama Production, patigayunon subong nga aga sang Domingo ang Drama Workshop sa bag-o nga production studio sini nga nahamtang sa tupad sang Radyo Bandera Broadcast Complex sa Purok Cinco, Puentebella, Barangay Taculing, Bacolod City.
Ang workshop ang pagasakupan sang mga pili kag dekalidad nga mga dramatista sa radyo.
Magahatag sang ila inputs bilang resource person sanday Linda Miranda kag Mona Linda Bornales Mijares.
Kalakip man sa produksiyon si Elmar Bayanbayan nga amo ang mangin music spinner kag sound effects technician.
Magatambong naman sa amo nga workshop sanday Network Operations Manager Eljohn Castaño, CEO Doc Ramel Uy, Chester Verunque, Mr. Ploteña kag HRD Manager Jean Paul Generoso.*
