Nagaugyon si Mayor Albee Benitez nga kay-uhon kag hatagan sang atensyon ang Bacolod Silay International Airport matapos ang pagbisita ni Civil Aviation Authority of the Philippines (CAAP) Director General Captain Manuel Antonio L. Tamay sadtong Setyembre 14, 2023.
Suno kay Benitez, madugay na siya nagapangayo sang bulig sa CAAP nga mahatagan atensyon ang Bacolod Silay Airport bangud may yara ini sang naga-aberya nga escalator, airconditioning, kag mga guba nga banyo nga madugay makay-o.
Dugang pa ni Benitez nga kuntani hatagan man sang local funds ang nasambit nga local airport agud madasig ang pagresonder kun may yara sang mga problema.
Nagalaum naman ang alkalde nga pagatan-awon ini ni General Tamayo bilang isa ka maayo nga butang agud mabag-o ang sistema karon sang airport.
Magatanyag naman sang P80 milyones nga pondo si General Tamayo kaupod ang Department of Transportation (DOTr) para sa pagpakay-o sang Bacolod Silay International Airport.
