Nagdangat sa 1,200 ka mga persons deprived of liberty (PDLs) ang ginpahanugutan nga makaboto sa maabot nga Barangay kag Sangunniang Kabataan Election (BSKE).
Suno kay Bacolod Election Officer Atty. Kathrina Trinio-Caña, may yara sang support staff ang magakuha sang balota kung diin nagaboto nga barangay ang mga PDLs kag igadul-ong ini sa mga prisuhan.
Ang pagboto sang PDLs ang magasugod las 7:00 sang aga tubtob las 2:00 sang hapon agud may tion pa ang mga support staff nga mabalik ang balota sa ila tagsa ka mga barangay.
Indi ini ang una nga tion nga pahanugutan nga makaboto ang mga PDLs bangud sang tinalikdan nga national election, nakaboto man ang mga ini.
Sandig naman sa record sang Comelec Bacolod, 877 ka mga botante ang napahamtang sa BJMP Handumanan kag masobra 402 naman sa Metro Bacolod District Jail sa Singcang-Airport.
