Kabu sa Isabela naghikog bangud sa depression

Dugoon kag wala na sang kabuhi ang isa ka 56 anyos nga kabu matapus ini nga naghilog sa banwa sang Isabela, Negros Occidental.

Bangud sa indi na madala nga problema kag depression ginluthang sang biktima nga ginkilala kay Jose Ajelujene Guimeroy, isa ka balo ang iya kaugalingon alas 6:30 sang gab-i sa Brgy. Mansablay, Isabela, Negros Occidental.

Gamit ang 38 nga revolver gintiro ni Guimeroy ang iya natuo nga bahin sang ulo.

Nakita man sa kilid sini ang isa ka lipid sang makahulubog nga ilimnon samtnag nagakayaon sa sulod sang isa ka payag.

Narecover man sa eksena sang insedente ang isa ka improvised nga 38 revolver nga may unod nga 4 ka bala kag isa ka basiyo.