Ginkakibot sang mga tumalan-aw kag mga kandidata sang pageant sang magsaka ang isa ka lalaki sa stage kag hinali nga gin-agaw ang korona.
Sang mabatian nga indi ngalan sang iya asawa ang gindeklarar bilang Miss Gay Mato Grosso sa Brazil, gilayon nga nagsaka ang lalaki sa stage, gin-agaw kag ginlampus pa ang korona, antes ginguyod ang iya asawa nga kandidata.
Base sa report sang local media nga O Globo, nagluntad ang insidente sang Sabado, Mayo 27, 2023 kun diin nagdaug si Miss Várzea Grande Emannuelly Belini samtang ikaduha naman si Miss Cuiabá Nathally Becker, partner sang lalaki.
Nagpaguwa naman sang pahayag ang organizers kag ginakondenar nila ang ginhimo sang lalaki.
“We would like to inform you that the legal team for our contest has been contacted and will take the appropriate legal measures,” opisyal nga pahayag sang organizers.
