UPDATE: Depression ang ginalantaw motibo sang Calatrava PNP angot sa paghikog-patay sang isa ka 30-anyos nga lalaki pasado las 8:00 sang gab-i, sadtong Mayo 21 sa isa ka barangay nga sakop sang Calatrava.
Sa exclusive interview sang Radyo Bandera San Carlos kay PCAPT Jesus Alba, iya ginpahayag nga posible nag-antos sa depression ang biktima matapos ini gina-alegar nga ginbulugan sang iya asawa nga isa ka OFW.
Apang, ginpaathag ni Alba nga indi ‘third party’ ang rason sa pagbulagay sang mag-asawa.
Suno pa kay Alba nga ila nabuksan ang cellphone sang biktima kag didto nila nakita sa messenger ang paglalisanay sang iya sini asawa tubtob nga nagresulta sa pagbulagay.
Dugang pa ni Alba nga posible ‘misunderstanding’ ang natabo sa mag-asawa angot sa ila relasyon nga layo sa isa kag isa.
Matapos ang pagbulagay sang biktima kag asawa sini, gina-alegar nga indi na ma-estorya sang tarong sang iya ginikanan ang biktima kag masami ini nga may ginapaminsar nga madalom.
Matandaan nga ang biktima ang nasapwan nalang sa iya kwarto nga nagabitay kag wala na sang kabuhi.
[Hungod nga wala ginpangalanan ang biktima kag ang specific nga lugar bangud sensitibo ang balita]
