RBSFM NEWSCENTER – Patay ang 22 anyos nga biktima nga si FROYLAN COYME, tumandok sang Ormoc City, Leyte, matapos ini ang mag hikog sa sulod sang iya gina rentahan nga kwarto kaina sang aga, sa Purok Malipayon, Barangay Alijis, ciudad sang Bacolod.
Suno sa landlady nga si Monina Sabornido, 55 anyos, ang biktima ang 2 na ka tuig nga naga renta sang isa ka kwarto sa iya balay kag ini ang may asawa nga naga tinir sa La Carlota City. Naga bisita lamang ang asawa sang biktima kun ini ang maka tiempo bangud ini ang naga supreher sang balatian sa kidney sa sulod na sang tatlo ka tuig. Ini ang gina dialysis sang duha ka beses sa kada semana sa La Carlota rason nga didto na lamang ini naga tinir, malayo sa iya nga bana.
Kahapon, birthday sang landlord kag malipayon ang biktima nga nag volunteer nga amo ang mag luto sang ila nga handa. Wala man ini nakitaan sang kasubo ukon depression. Matapos mag panyapon, ini pa ang nag inom upod ang mga boardmates.
8:00 PM
SEPTEMBER 7, 2020
sang gab-i, nag lisensya ini nga mag sulod na sa kwarto kag mag tulog. Pagka aga, natingala ang landlady kun nga-a wala pa maka guha ang biktima sa iya nga kwarto agud mag pamahaw.
6:30 AM
SEPTEMBER 8, 2020
Gin kadto-an sang landlady ang kwarto sang biktima agud ini ang pukawon. Sa pag panoktok sini sa pwertahan, wala sang may nag sabat kag isa ka lagabong ang nabatian. Likom sa ihibalo sang landlady, amo na ato ang pagka tumba sang bangko nga gin tungtongan sang biktima agud mag hikog.
Padayon nga naga panuktok ang tag-iya sang balay kag sang ulihi, sila ang nag disider nga mag gamit na lamang sang hagdanan agud nga ma lantaw kun ano na ang natabo sa biktima bangud nga ini ang wala naga sabat. Didto na kag nakit-an nga ini ang naga bitay na sa balayan kag wala na naga giho. Makit-an man ang natumba nga bangko nga iya sini gin patungan. Nag gamit sang paha ang biktima agud ihigot sa iya li-og kag sa balayan.
Gilayon nga nag tawag sang pulis ang tagbalay kag sa pag imbestigar sang Scene Of the Crime Operatives, wala sang may nakit-an nga foul play sa kamatayon sini.
CONFIRMED SUICIDE CASE
Sa interview sang Radyo Bandera Investigative Reports Team (RABIT) sa 30 anyos nga asawa, gin pakita sini ang ila conversation sa messenger chat kagab-i. Gin ako sang asawa nga sila ang may indi pag inchendihanay sang iya nga bana. Makit-an sa chat ang ila sini pag lainay sang bo-ot.
10:08 PM
SEPTEMBER 7
LAST CHAT MESSAGE
Nabaton sang asawa ang kataposan nga message sang biktima nga naga siling “Palakas ka ha, para sa imo. Love you salamat sa tanan… Ikaw lang ang palangga ko, salamat sa tanan.”
Wala na ini ma sugponan tubtob nga pagka aga, nakibot na lamang ini sang mabaton ang tawag sang landlady nga naga pabalo nga wala na si Froilan bangud ini ang nag hikog. Gilayon nga nag padulong sa Bacolod ang asawa kag naga hilibi-on kun nga-a nahimo sang biktima ang mag pakamatay sa simple gid lamang nga away.
NOTE: THE WIFE WISH NOT TO BE IDENTIFIED.
