Wala na sang kabuhi sang masapwan ang mag-asawa nga lunsay senior citizen sa ila puluy-an sa 4th road, Hermilinda Homes, Brgy. Mansilingan, siyudad sang Bacolod.
Ang mga bangkay ang ginkilala nga amo sanday Rene Gargoles, 67-anyos kag anay Overseas Filipino Worker (OFW) samtang ang iya asawa naman amo si Pie Braga Gargoles, 63-anyos nga anay isa ka Teller sa Bangko diri sa Bacolod.
Sa interview sang Radyo Bandera kay Nanay Brenda nga utod ni tatay Rene kag nagapuyo lamang sa atubang man lang nga balay sang mag-asawa, naga-suprer sang cancer kag nagapaidalom sa chemotherapy na ining si Nanay Pie samtang ngasusprer man sang sakit sa kidney kag may diabetes si Tatay Rene.
Ginpahayag man sini nga iya pa nakit-an ang iya utod nga nagguwa sa ila balay mga takna alas-9:00 ukon alas-10:00 sang aga sakay sang ila nga salakyan kag nadugayan pa nga makapauli bangud sa mabaskog nga ulan.
Nahibaluan nga pasado alas-10 kaina man sang aga, nasapwan nalang nga wala na sang kabuhi ang duha sa sulod sang ila balay.
Base naman sa inisyal nga imbestigasyon sang Bacolod City Police Station 7, wala sila sang may nakit-an nga force entry ukon anuman nga senyales nga may nagsulod nga lain nga tawo sa nasambit nga balay.
As of press time, wala pa sa gihapon makuha ang bangkay bangud ginahulat pa sang punerya ang temporary death certificate sang mga ini.
Sa karon nagapadayon pa ang imbestigasyon sang mga otoridad sa nasambit nga insidente.*
