Ginpahayag ni Olympic gold medalist Hidilyn Diaz nga handa na ini nga magpakasal kag iya na lamang ginahulat ang iya coach-boyfriend Julius Naranjo nga maghagad sa iya.
“Ako gusto kong magpakasal. Gusto ko. Pero siyempre, hinihintay ko siya,” pahayag sini
Nahibaluan nga si Diaz kag Naranjo nga amo ang iya nga ‘strength and conditioning coach’ kag isa man ka weightlifter, ang magkahagugma na sa sulod sang tatlo ka tuig.
Suno kay Diaz sang nakilala sini si Naranjo sa isa ka sporting event sa abroad nangin mag-abyan na ang mga ini.
“Tapos ayon, nagkagustuhan. After a year, he decided to come here (in the Philippines),” pahayag sini.
Sang maghalin ang iya nga coach, ginbuslan ini sang iya boyfriend nga isa ka exercise science major kag amo ang naghanas sa iya.
Aminado naman ini nga nagduda siya sadto sa training method ni Naranjo kag naglambot pa anay sang siyam ka bulan antes niya ini ginsaligan sa training.
“Iba yung method nung former coach kay Julius… Nung una siyempre parang ‘ang weird naman ng training na ‘to.’ Hindi ako naniwala sa training niya.“Mga nine months din before ako maniwala na magaling siya. Kasi nakikita ko na yung resulta, nakita ko na yung performance ko na gumaganda,” pahayag sini.
Nahibaluan nga nalampuwasn ni Diaz ang women’s 55 kilograms weightlifting competition sa Tokyo tinalikdan nga Lunes sang gab-i sa diin nakuha sini ang firest ever Olympic gold medal sang Pilipinas matapos ang 97 ka tuig.*
