Patay ang pito tanan ka mga persona, matapos nga ginpangluthang sang mga armado sa isa ka public swimming pool sa Mexico.
Sa report sang CNN, nalakip sa pito nga nabawian sang kabuhi sa trahedya amo ang bata nga wala pa sa pito ka tuig ang edad.
Sa isa ka video nga gin “upload” sa social media, nakit-an pa ang mga ginikanan nga ginhakos ang ila mga kabataan nga nagasiyagit sa kahadlok.
Nagluntad ang insidente, las 4:30 sang hapon, sabado sa Cortazar city sa central state sang Guanajuato sa pungsod Mexico.