Ginpagiho na sang Commission on Human Rights (CHR) ang ila regional offices, agud magpatigayon sang imbestigasyon, sa asud asud nga kaso sang paghimulos kag pagpatay sa mga kabataan sa Pilipinas.
Suno sa CHR, naalarma na ang ila talatapan, sa nagaluntad nga pagpang-abuso sa mga kabataan, ilabi na kon ang suspek, miyembro sang pamilya sang mga biktima.
Ginpaathag sang CHR nga isa ini ka paglapas sang Republic Act 7610 or the Special Protection of Children Against Abuse, Exploitation and Discrimination Act.
Kalakip sa mga na record nga kaso sang pagpang abuso sa mga kabataan amo ang mga masunod:
Abril 7, nasapwan ang bangkay sang pito ka tuig nga bata sa kilid sang suba sa Trese Martires, Cavite nga gin alegar ginhimuslan sang iya maninoy.
Abri;l 10, nasapwan ang bangkay sang napulo(10) ka tuig nga bata malapit sa kasagingan sa Davao City, sa diin ang suspek amo ang bana sang himata sang biktima nga nag surrender kag nag-aku sa kremin.
Abril 10, isa pa gid ka bata nga naga edad sang tatlo ka tuig ang gin alegar ginhimuslan sang iya lolo sa Sto. Thomas, Batangas, sa diin nagluntad ang kremin samtang nagabaligya sang kandila ang iloy sang Easter Sunday. Suno sa mga otoridad, may record na sang pagpang-abuso sa biktima ang suspek.
Abril 12,gin aresto naman ang mag-asawa bangud sa paghimulos kag kaso sang “online sex trafficking” sa diin ang biktima, ila man lang kaugalingon nga anak nga naga edad sang anum ka tuig.
Nagapuyo ang pamiya sa Mabalacat, Pampanga.
