Naluwas na sa cancer, nagdaug pa sa Lotto

Ginakabig niya ang iya kaugalingon bilang pinaka-maswerte nga tawo sa bilog nga kalibutan.

Suno sa 72 anyos nga lucky winner sa lotto sang Philippine Charity Sweepstakes, palangga siya sang Ginoo, bangud gin-ayo na siya sa iya balatian nga cancer kag nangin instant milyonaryo pa siya sa lotto.

Ginpatigayon ang Lotto 6/42 draw sang February 28, 2023 kag nakuha sang lalaki nga cancer survivor ang premyo nga P50,796,013.00 (50.7 milyones ka pesos).

Isa ka tuig na nga ginatay-an sang lalaki ang petsa sang mga birthdays sang iya himata nga 26 -14 -11 -08 -07 -22, antis nakuha ang pinakadaku nga premyo sa lottery.

Bangud sang iya balatian nga cancer, isa man ang lalaki sa mga nahatagan sang medical assistance sang PCSO sang tuig 2017.