Pwersa nga ginsulod sang National Electrification Administration (NEA) ang opisina sang Negros Occidental Electric Cooperative, Inc. (NOCECO) sa Sitio Naga, Barangay Binicuil, siudad sang Kabankalan subong nga Oktubre 26 matapos nga wala sila ginpahanugutan nga makasulod sang gwardya sang nasambit nga departamento.
Magaserbe kuntani si NEA administrator Antonio Mariano Almeda sang 90 days nga suspension order kay Eng. Rey Bustamante bangud sa gina-alegar iligal nga pagpungko sini bilang general manager sang NOCECO Kabankalan.
Base sa pagpangusisa sang Radyo Bandera, wala ginpasulod ang mga opisyales sang NEA kaupod si Vice Governor Jeffrey Ferrer sang gwardya sang NOCECO Kabankalan rason nga gingamitan nila sang post cutter ang gate agud makasulod.
Wala naman si Bustamante sa opisina rason nga nakig-angut ang mga NEA sa mga managers sa nagkalain-lain nga departamento sang NOCECO angut sa nasambit nga isyu.
Maga-appoint man ang NEA sang temporaryo nga general manager sang NOCECO Kabankalan bilang tal-os kay Bustamante.
Nahibaluan nga wala gintuman sang NOCECO board ang guidelines sa pagpapungko kay Bustamante.*
