Thursday, September 29, 2022

P24.7 Million nga Educational Assistance na-release na sang DSWD-6 sa mga estudyante sang Sabado

- Advertisement -
Attorney May Castillo says P24.7 Million in educational assistance were released to students in Western Visayas.*

Nangin “peaceful” kag “orderly” ang payout sang educational assistance nga ginpatigayon sang tinalakdan nga Sabado, Setyembre 10, 2022,  suno kay Attorney May Castillo, Social Marketing Officer sang DSWD Region 6 .

Nagapasalamat man ini sa tanan nga mga staffs sang DSWD kag mga LGUs sa rehiyon sa paghatag sang ila nga serbisyo apisar nga weekend ini.

Nakapaguwa naman sang balor P24.7 Milyon ang DSWD Region 6 para sa 8,851 ka mga estudyante.

- Advertisement -

Sa bahin sang Aklan, 286 ka mga estudyante ang nakabaton sang educational assistance nga ginabulubanta yara sa P754,000. Sa Capiz 424 ka mga estudyante ang nahatagan nga yara sa P1.1 Milyon, sa Iloilo 2,551 ka mga estudyante nga yara sa P7.8 milyon, Guimaras 97 ka mga estudyante nga yara sa P265,000 sa Negros Occidental ang yara naman sa 4,961  ka mga estudyante nga yara sa P12.9 Milyon, Antique 572 ka mga estudyante nga yara sa P1.7 milyon.

Samtang, humalin naman sang Agosto 20, nagdangat na sa P101,326,000 ang nahatag sang DSWD sa 36,131 ka mga estudyante.

Dugang pa ni Atty. Castillo nga ang focus sang masunod nga payout ang mga “unserved” beneficiaries sang Sabado, Setyembre 10, 2022.

Dugang pa diri nag-request na sila sang kinahanglan mga pondo sa DSWD Central Office bangud ang nahatag mga P91 milyon sa Rehiyon ang ila na nga naubos panghatag sa mga benepisyaryo.

Ginahulat pa sa karon ang update sa Central Office sa ila ginapangayo nga pondo.

Ini man amg rason kung ngaa madamo pa sang mga estudyante apisar nga nakaparehistro na ang wala sa gihapon ma-replayan, matagaan sang petsa kag venue kung diin nila pagakuhaon ang educational assistance.*/Kim Juanillo

- Advertisement -

Related Articles

Leave a Reply

Stay Connected

0FansLike
- Advertisement -

Latest Articles