Pabor kay Negros Occidental Governor Eugenio Jose Lacson sa ginhimo ni Cadiz City Mayor Salvador Bading Escalante nga liwat nga gin-require ang pagsuksok sang facemask sa sulod sang mga pang-gobyerno nga talatapan sang amo nga siyudad.
Madumduman nga nagpanaug sang Executive Order si Escalante sang tinalikdan nga Lunes, Abril 17 matapos nga duha ka mga department heads sang Cadiz City ang nagpositibo sa COVID-19.
Samtang, ginpahayag ni Governor Lacson nga magapabilin nga “optional” ang pagsuksok sang facemasks sa kapitolyo kag iban pa nga talatapan sang Provincial Government.
Ginkumpirmar naman ni Governor Lacson nga may mga bakuna pa nga nabilin sa Provincial Health Office (PHO).
May manug-abot man nga mga bakuna gikan sa Department of Health (DOH) nga nakatalana usaron sa pagpang-bakuna sang booster shot.