Ginpanginwala sang Department of Health (DOH) nga liwat nila ibalik ang mandatory nga pagsuksok sang facemask matapos ang pagsaka sang mga kaso sang COVID-19 sa Pilipinas.
Sa report sang Pilipino Star Ngayon Digital, ini ang matapos mag-viral ang isa ka social meda post kun sa diin nakasaad ang liwat nga pagbalik sang facemask, nga ila ginatawag nga “false” ukon wala sang kamatuoran.
Bangud man ini sa pagmando sang pila ka lokal nga pamahalaan partikular na ang Iloilo City Hall kag Manila Barangay Bureau sang liwat nga pagpatuman sang mandatory nga pagsuksok sang facemask agud ma-untat ang paglapta liwat sang COVID-19 virus.
Nagapabilin ang Metro Manila sa Alert Level 1 nga amo ang pinakamanubo kag pinaka-relax nga alert level, tubtob sa Abril 30. Buot silingon nga magapabilin ukon “status quo” ang mga restriction nga ginapatuman.
“The Department clarifies that the current Alert Level System is still being discussed through the IATF, and the DOH has previously recommended that these alert levels be similar to typhoon warnings and a guidance system in the future,” pahayag sang DOH.*
