Nagpanguna ang Pilipinas sa Western Pacific Region base sa kadamoon sang mga kaso sang COVID-19.
Suno ini sa nakuha nga datos sang World Health Organization tubtob kahapon nga adlaw, Marso 9,2021.
Sa ila facebook post, ginsiling sang WHO nga 17 ka lugar sa rehiyon ang mga nareport nga bag-o nga kaso sa nakaligad nga 24 oras.
Pinakamadamo diri ang sa Pilipinas (3,351), ginasundan sang Malaysia (1,529) kag Japan nga may (679).
Samtang, number 1 man sa West Pacific ang Pilipinas sa kabilugan nga kadamoon sang mga kaso (597,763) kag sa kadamoon sang mga fatality sang coronavirus nga (12,521).
Suno sa mga opisyal, ang mga posible mga rason sa pagsaka sang mga bag-o nga kaso sa pungsod amo ang bag-o kag mas makalalaton nga COVID-19 variants, ang pagpahalog sang lockdown restrictions kag ang pagbukas sang ekonomiya.
