Ginpahayag ni PMaj. Junie Liba, tigpamuno sang Bacolod Traffic Authority Office (BTAO), nga wala sang kamatuoran ang ginahaboy nga alegasyon nga may nagakatabo nga korapsyon sa ila nga opisina.
Suno kay Liba, wala na sila nagabaton sang bayad para sa mga naka-impound nga salakyan sa BTAO kun mag-alas 3:00 na sang hapon.
Dugang pa ni Liba nga may yara sila sang tatlo ka cashier kun sa diin pwede magbayad para sa pag-claim sang na-impound nga salakyan kag ini amo ang Old City Hall, New Government Center kag sa ila mismo nga opisina.
Pahayag ni Liba nga pagtapos sang las 3:00 sang hapon, gina-remit pa nila ang mga bayad sa cashier sa Old City Hall kag New Government Center.
Paathag pa ni Liba, ang tanan nga mga nagahulat nga tawo sa BTAO ang bayad na kag maga-claim na lamang sang ila mga salakyan.
Suno pa sa tigpamuno sang BTAO, gin-ako niya nga bayaw niya ang BTAO Building Administrator nga si Abner Salvallon nga gina-alegar gin-harrass ni Councilor Al Espino.
Apang, nagapati naman ini nga wala sang malain nga mag-hire sang tawo nga nagakinahanglan sang trabaho.*
