Presyo sang LPG, may rollback sini nga bulan

Nagnubo ang presyo sang liquefied petroleum gas ukon LPG sini nga bulan sang Oktubre.

Base sa advisory, P2.55 kada kilo ang ginbuhin sa presyo sang LPG, sumugod Oktubre 1.

Nagakahulugan nga mabuhinan sang P28.00 pesos ang presyo sang kada 11-kilogram nga tangke sang liquefied petroleum gas.

Kalakip sa mga nagpatuman sang rollback sa presyo sang LPG amo ang Petron, Phoenix Petroleum kag Solane.