Sunday, January 29, 2023

Salesman sang sigarilyo ginholdap sa Murcia, kapin P60,000 nga koleksyon nakuha sang mga suspek

- Advertisement -

Nakuha sang wala pa makilala nga mga suspetsado ang kapin P60,000 nga koleksyon sang ahente sa nagluntad nga robbery/hold-up sa Purok Liero, Brgy. Cansilayan, sa banwa sang Murcia takna alas dyis sang aga sang Martes, Agosto 9.

Ginkilala ang mga biktima nga sanday Orlando Edeso, 31-anyos nga salesman sang PMFT Fortune Tobacco kag residente sang Bacolod kag ang drayber nga si Rene Estores, 34-anyos nga residente naman sang Murcia.

Base sa natipon nga impormasyon sang Murcia Municipal Police Station, ara sa may tiyangge ang salesman kag drayber sang gintayaan sila sang wala pa matumod nga armas-luthang sang tatlo ka mga lalaki nga nagdeklarar sang hold-up.

- Advertisement -

Nakuha sang mga suspek ang koleksyon sang mga biktima nga nagabalor sang P66,000 pati ang personal nga kwarta ni Edeso nga P1,000.

Gindala man sang mga suspek ang dash cam nga nagabalor sang kapin P23,000, printer, kag iban pa.

Nahibaluan nga nagasuksok ang mga suspek sang itom nga mga jacket kag shorts kag nagasuksok ang duha sang facemasks samtang nagasuksok naman ang isa sang helmet.

Padayon ang hot pursuit operation sang mga awtoridad agud madakpan ang mga suspek.

- Advertisement -

Related Articles

Leave a Reply

Stay Connected

- Advertisement -

Latest Articles