Sikat nga mga rescue dogs magapatigayon sang rescue operations sa Turkey

Nagpadulong na sa pungsod Turkey ang mga rescue dogs gikan sa Mexico.

Nangin sikat na sa Mexico ang mga “highly trained dogs” sa pagpatigayon sang mga rescue operations.

Isa ang Mexico sa mga pungsod sa kalibutan, nga masami ginatay-og sang mabaskog nga linog.

Gikan sa Mexico, martes sang aga, magabyahe padulong sa Turkey ang 16 tanan ka mga ido.

Kalakip sini nga mga ido amo ang ginhingadlan nga sanday Julia, Ecko, Orly, Timba, Rex kag July.

Gikan sa Mexico, ma landing ang eroplano nga ginsakyan sang mga ido sa Adana city sa southern Turkey, nga malapit sa epicenter sang 7.8 magnitude quake sa nasambit nga pungsod.*