SILAY, NEGROS OCCIDENTAL– Gin-aresto pinaagi sa warrant of arrest kag subpoena ang ginakabig top 1 most wanted person sa regional kag city level apang top 9 most wanted person sa provincial level sa Hacienda Bias 2, Barangay Guimbala-on, Silay City, Negros Occidental kahapon, Abril 17, 2023.
Sa pagpanguna ni PLtCol Mark Anthony Darroca, hepe sang Silay City Police Station, gin-aresto si Erick Rivera alias “Eric Rivera”, 36-anyos, residente sang nasambit nga lugar sa kaso nga 5 counts of rape.
Wala sang bail bond nga gin-rekomendar ang korte.
Gin-isyu naman ni Judge Leonardo Facultad Jr. sang Silay City Regional Trial Court Branch 69 ang warrant of arrest sadtong Marso 30, 2023.
Nakahunong karon si Rivera sa Silay CPS.*