Utod nga tiil sang tawo nga ginbilin sa Villamonte, ginpalubong na

Warninh: graphic content

BACOLOD CITY – Gindesisyunan sang Bacolod City Police Station 4 nga ipalubong na lamang sa Burgos Public Cemetery ang pares sang utod nga mga tiil nga ginbilin sa Brgy. Villamonte.

Suno kay PCapt. Greeky Cayao, hepe sang nasambit nga police station, natapos na ang pagpang-usisa sa mga tiil kag ginahulat na lamang ang kumpleto nga report sang Scene of the Crime Operatives (SOCO).

Dugang ni PCapt. Cayao, wala sa gihapon mahibaluan kun kay sin-o ang mga tiil kag wala man sang pamilya nga nagkuha sa mga ini.

Wala pa man makilala ang mga suspetsado nga nagbilin sang nasambit nga mga tiil sa atubang sang isa ka gasolinahan sang Marso 29.