RBSFM NEWSCENTER – Naka record sang 252 tanan ka mga pag tay-og ang Philippine Institute of Volcanology and Seismology (Phivolcs) sa sulod sang 24 oras nga pag bantay sa activity sang bulkan. Rason nga padayon nga gina paidalum sa alert level 2 ang status sini.
Basi sa volcano bulletin nga gin pa gwa sang Phivolcs kaina las 8:00 sang aga, nalakip sa nasambit nga mga pag tay-og ang 17 ka mga episodes sang volcanic tremor nga naga lawig sang isa tubtob apat ka minutos kag may yara man sang lima ka mga “hybrid events.”
Samtang, ang volcanic activity sa main crater sini amo ang makanay nga pag gwa sang steam plumes halin sa fumarolic vents kag ini ang naga lab-ot sa napulo ka metros ang kataason.
Ang temperatura ang nag lab-ot sa 71.8 degrees Celsius kag yara sa pH 1.59 ang na measure halin sa main crater sang nag ligad nga Marso 4 kag Pebrero 12 sini nga tuig.
Suno pa sa Phivolcs ini ang naga pakita lamang nga may yara sang pag taas sang magmatic activity at shallow depths sa idalum lamang nga bahin sang main crater.
Bangud sini, padayon nga gina dumili-an ang pag sulod sa permanent danger zone sang Taal volcano ilabi na sa mga lugar malapit sa main crater kag Daang Kastila fissure.
